ريفيو كيراتين كيوماكس برازيلي

السلام عليكم
 شحالكم بنآآت
 ادري وايد مقصره ف حق المدونة بس  هالتقصير كان وراه هدف اني كنت استخدم كذا برودكت (منتج) واكيد
هالشي يباله وقت لين اكتب عن البرودكت ريفيو بشكل مفصل ودقيق ف عسب جذي تأخرت عنكم المهم ريفيو طويل روحي سويلج قهوة واستمتعي بالقراية ؛ وان شاء الله الريفيو ييعيبكم 
ريفيو عن كيراتين كيوماكس برازيلي x-liso pro keratin-Qmax  



شو هو سر كيراتين كيوماكس ؟ ان الكيراتين يخلي مظهر خصل الشعر فيه حيوية ونعومة لانها توزع الشحنات الكهربائية في خصال الشعر وبجذي يكون الشعر فيه لمعان ونعومة وترطيب لانه يحتوي على مكونات :-  جوز الهند البرازيلي وعناصر طبيعية من اوميغا 3 واوميغا 6 وحامض اللينولين الغني ب فيتامين f واهم مكون  انه الكيراتين خال من الفورمالدهاي
 فائدة المكونات :-تساعد في اصلاح التلف
تشكل طبقة واقية من عوامل الخارجية ؛ يعطي للشعر قوة  

طريقة الاستخدام :-المرحلة الأولى
تغسلين شعرج مرتين ب شامبو كيراتين  (مرطب)
بعدين تنشفين شعرج بالفوطة وعقب ب مجفف الشعر
(الاستشوار) بالهواء البارد مو الحار تنشفين 80%
بعدين تقسمين شعر الى 4 اقسام عشان يكون سهل عليج العملية .



 المرحلة الثانية :-تحطين الكمية اللي تحتاجينه في وعاء بلاستيك حسب طول شعرج
مثال:-
لشعر القصير- المتوسط 40 مل
لشعرالطويل  50 مل
لشعر الطويل والكثيف 60 مل
نرد للخطوات نلبس قلفز (القفازات) <<< ضروري يا بنات
ناخذ خصل رقيقه بمشط اسنانه دقيقة و نوزع كيراتين على الشعر ضروري  الخصله ما تزيد عن واحد سم  نوزع بهالطريقة على الشعر كامل من الجذور حتى الاطراف لكن تجنبي عالفروة بعد ما توزعينه دلكي الشعر لين يتوزع على كل الشعر وخلاف اتريي لمدة 30-40 دقيقة بعدين نمشط الشعر بمشط اللي اسنانه كبيره بعدين نرد ناخذ خصله خصله ونمرر عليه السيراميك الشعر حوالي من 8-10 مرات على نفس الخصله ولازم درجة حرارة السيراميك اتكون مناسبة لنوعية الشعر مثلا اللي شعرها صحي تستخدم درجة حرارة 230 اما الشعر التآلف 190 درجة بعد ما تمررون السيراميك على كامل الشعر تغسلون الشعر بماي بس وتردون تنشفونه .

المرحلة الثالثة :-
ماسك الاصلاح
نوزعه على كل الشعر مع التمشيط لمدة 5 دقايق
ونجفف الشعر بالاستشوار وبجذي نكون خلصنا
الحين بحط لكم ملاحظات وبوضح كذا شغله
تجربتي للكراتين كانت ناجحه ليش لاني اتبعت التعليمات بالضبط  واللي حسيته بشعري انه خفف لي نفشة حتى لو ما استشور شعري كان شكله عادي مثل اي شعري صحي

 سويت لعمري كيراتين فالبيت  اما من ناحية الوقت خذ من وقتي 3-4 ساعات شي متعب جدا اذا فكرتوا تجربون انصحكم اتسوون فالصالون ملاحظة مهمة اذا كنتي من النوع اللي شعرها ناعم كيرلي او جاف وكيرلي جربي اما اذا كنتي من النوع اللي شعرها جاااااف وتالف وكيرلي اي ملمسه خشن اقولج لا لا تجربين لانج بس بتخسرين فلوسج عالفاضي شفت التجربة على صديقتي
 من الايجابيات المنتج :-
 بعد ما جربت استشور شعري والله يا بنات بكل امانه كنت خلال 8-10 دقايق انا مخلصه شعري واذكركم انه كيراتين خال من الفورمالدهايد اي انه يوم تستخدمون السيراميك ما بتجوفون دخان يظهر من شعركم  يعني آمن
وفالنهاية اتمنى هالموضوع ينفعكم ولا تنسون تشتركون فالمدونة  تضغطون على متابعة وبعد لا تنسون تضيفوني ف كرما لا امرا اضغطوا >>> انستقرام و سناب جات نفس اليوزر  وسموحه طولت عليكم 

عنايتي بشعري قبل العيد ..~

السلام عليكم وَ رحمه الله وَ بركاته ♥♥

هلا بنآآت شحالكم حبيباتي ان شاء الله بخير وسلامه ...~

بتكلم اليوم عن عنايتي  بشعري اللي صارلي  فتره اسويها   كل اسبوع مره وقبل اي مناسبه

 بس فالبدايه بتكلم عن كذا نقطهالمنتجات اللي استخدمها مو شرط تتقيدون فيها وانا كل فتره اغير كذا شي اما الاشياء الضروريه راح اذكرها ان لازم اتكون موجوده ف هالروتين  واهم نقطه لازم كل 3 اشهر نقص اطراف الشعر المتقصفه عسب لا يتقصف الشعر كله وبهالطريقه يزيد نمو الشعر ويكون شكله صحي اكثر و يلا نبدأ 

 خطوة الاولى  احط  على شعري حمام زيت اسويه بهالمنتجات 

اخلط اي زيت مرتاحه عليه او حسب ما يحتاجه شعري ونوعه بالنسبه لي احط بارشوت نوعين ( لشعر سميك وقوي ) + ( ضد  تساقط  الشعر )واخلط معاهم زبدة شياا من التاجرة sheabutter_inuae اذوب الزبده احط كميات متساويه بحيث انه تكفي لطول شعري واقعد تقريبا ساعه ونص لين ساعتين .فوايد المنتجات :-الزيوت تغذية للشعر ضروري جدا انه اندهن الشعر اقل شي مرتين ف اسبوع وهالشي يساعد لنمو الشعر مو شرط نفس الزيوت ولا ننسى اذا كان الشعر يتساقط لازم نفحص ونعرف شو الفيتامينات االناقصه ونتجنب تساقط الشعر ونعوض بالفيتامينات  او التغذيه الصحيه زبدة شيا غنية عن التعريف له عدة استعمالات اليوم  بس بتطرقف موضوع الشعر للامانه احلى زبدة شيا عندي ملمسه ناعم مب قاسي سلس ابسرعه تذوب ف راحه الكف  اعتبره علاج سحري لنفش الشعر من تجربتي له بعد ما اغسل شعري يكون ناعم  يرطبه صحح ويسهل التمشيط  اما بالنسبه للريحه  مقبوله

خطوة الثانية غسل الشعر

شامبو وبلسم من لوريال حلو ينعم الشعر لاحتوائه 6 زيوت مستخلصة من زهور نادرة الزيوت اللي ترطب وتغذي الشعر والبلسم خورافي ينعم الشعر ويسهل التمشيط ويخليه رطب طبعا هالشبامبو فيه منه كذا نوع الشامبو اللي يناسب شعري لانه للشعر الجاف وشديد الجفاف اما البلسم للشعر العادي المائل الى الجفاف انا دووم ما احصل اللي شديد الجفاف ف اللي شعرها مب جاف وايد تاخذ ( للشعر العادي المائل الى الجفاف ) واللي شعر متأذي من الصبغات وغيره تاخذ (للشعر الجاف وشديد الجفاف ) 
خطوة الثالثة 

كريم لتصفيف الشعر من لوريال ومن نفس مجموعة الشامبو من احلى كريمات اللي جربتها بصراحه تقضي على بيبي هير والنفشه بنسبة 70% ريحته عاديه طريقة استعمالي احطه على شعري بعد ما انشفه اوزع كمية بسيطه على شعري  واطرافه  وبعدين استشور شعري ب هالادوات

خطوة الرابعه اقسم  شعري  وابدا من ورا ولازم ضروري تستخدمون مشط السيراميك اقصد هالمشط وفي منه انواع بتحصلونه ف محلات التجميل مثل نزيه وغيره

وبعد ما استشور واخلص امرر على شعري  هالفير او السيراميك له عدة تسميات عسب اذا فيه خصله ما استشورتها صح آخر خطوه اسويها بالفير اذا بغيت اعكف اطراف شعري اما على برع او داخل فهالحاله اثبته ب سبراي من لوريال فضييع وثباته رووعه 

او اذا حابه انه تسريحتي اتكون استريت بس احط سيروم خاص ل اطراف الشعر من جارنييه وجذي خلصت ريفيو عن طريقتي في عناية شعري قبل  العيد او اي مناسبة ثانيه اتمنى ما اخذت من وقتكم وسامحوني لاني طولت عليكم  احبكم 

لا تنسون تشتركون فالمدونه وعالانستا coco_skoon@

مفضلاتي لشهر مايو ...~

السلام عليكم والرحمه...~

مساء الخير للكل 

شحالكم حبيباتي  

تدوينة اليوم من تدوينات اللي احبها عن مفضلاتي لشهر مايو هالمنتجات استعمله 

بشكل يومي فحبيت اكتب عنهم ريفيو وان شاءالله تستفيدون 


#اول منتج بتكلم عنه مزيل الميك آب من جارنييه 


منظف مائي مزيل الميك آب ( ماء ميسيلار ) من جارنييه 

هالمنظف لجميع انواع البشرة وحتى الحساسه ميزة المنظف 

ان يشل الميك آب الويه والعيون والشفايف ومفروض ما نغسل الويه من بعده 

بس انا ماحب لازم اغسل ويهي اممم المهم قريت وايد ريفيوهات عن هالمنتج

 واكثر البلوقرز قارنوه ب منظف بيوديرما اللي اشوفه انا وراي يمكن الباكجنق 

والمحلول شبه مائي نفس الشي اما المفعول لا في فرق كونه هالمنظف سعره 

معقول ومفعول قريب من بيوديرما يعني المنتج بطل حبيته للويه اكثر من انه يشل 

الميك آب العيون 

ملحوظه : مايشل ميك آب ضد الماي 

#ثاني منتج سيروم الشعر من جارنييه 
سيروم خاص لأطراف الشعر (الترا دوكس)

هالسيروم فيه فوايد بالعسل الملكي ومادة وبروبوليس

هالمادة تغلف الشعر وتعطيه نعومه ومظهر حلو 

طبعا كلكم تعرفون فواايد العسل للشعر الجاف والتآلف 

وينحط على شعر المبلول او الجاف ونركز على الاطراف مو الفروة

 بس قطرتين تكفي لاتزيدون لانه يخلي شكل الشعر مدهن ومو حلو 

اللي حبيته فالسيروم انه يسهل عليه التمشيط الشعر 

ولما استشوره يخلي ملمس شعري ناعم وخفيف 

#ثالث منتج ماسكارا من برجوا ماسكارا برجوا فوليوم جلامور ماكس 

غنية عن التعريف نافست براندز الهاي اند 

سوادها رووعه تكثف وتطول الرموش وتفرقهم بشكل حلو 

تكفي طبقه وحده او طبقتين اذا كثرتوا تلزق وتكتل الرموش 

ما تناسب للاستخدام اليومي الا  اذا حطيتوا طبقه وحده  لانه صعب ازالته 

#منتج الرابع كريم الليل من لوريال لوريال ريفيتاليفت كريم الليل 

مكوناته الاسياسيه برو-ريتينول اي + الستي - فلكس 

برو-ريتينول اي : مفعول قوي لمقاومة التجاعيد وتنشيط تجدد الخلايا البشرة 

الستي- فلكس : مركب يضاعف ويقوي الياف الايلاستين وخلي البشرة مشدوده 

ومرنه 
لخصت لكم النشرة اللي عالكريم ويناسب لعمر مابين 35-45 بعيد عن عمري تماما 

ما حصلت كريم قريب لعمري وحاليا كملت تقريبا شهر وانا استعمله ومرتاحه عليه

 وبشرتي صارت حلوه ومشدوده الحمدلله وبستمر عليه لفتره للامانه مفعوله قوووي

 يرطب البشره ويخفف الخطوط الدقيقه ويشد البشره اكثر الاماكن كنت اركز فيها 

اطراف الخشم والفم واليبهه (الجبهه)

#خامس منتج والاخير ميني فازلين الشفايف الوردي
مرطب الشفايف من فازلين احسن حل للشفايف الجافه استعمله بس فالليل لانه ثجيل شوي ترطيبه عجييب ينعم ويشل الشققات ويخلي شكله صحي والاحلى حجمه كيووت  لونه يشووووقوجذي خلصت تدوينة اليوم ان شاء الله تكونون استمتعتوا بالبوست واكتبولي كومنتات شو اكثر شي عيبكم ؟؟؟

ولا تنسون تضيفوني ف انستا

ريفيوو منتجات ارجع اشتريها نعم او لا ...

السلام عليكم ورحمة الله وبركاته ...شحالكم عزيزاتي 
ادري طولت عليكم واايد والحمدلله رجعت لكم من بعد الغيبه تدوينة اليوم من التدوينات اللي احبها وراح اكثر منها بإذن الله راح اتكلم عن منتجات جربتها وهل راح اشتريها نعم او لا ؟؟

اول منتج راح اتكلم عنه لوشن فازلين الموحد الصحي 

لوشن فازلين من المفضلات عندي استخدمه من سنة 2011 تقريبا من خلال تجربتي الشخصية قضى على تصبغات اللي 

اكتسبها خلال فترة حملي تقريبا 70% والحلو فيه واقي من اشعة الشمس فوق البنفسجية يعني حطي وانتي مرتاحه فيه 

فيتامين B3 ترطيبه حلوو يعطي نعومه ريحته حلوه استخدمه مرتين فاليوم اكييد راح اشتريه 

منتج الثاني مرطب رذاذ وهج  الكاكاو من فازلين

هالمرطب عبارة عن اسبراي (رذاذ) ترشونه عالجسم 

ويمتص البشره بسرعه بصراحه ما حسيته يرطب بعد ساعتين

حسيت بشرتي ناشفه يبالها ترطيب باختصار مااحس يفيد للي بشرتهم جافه 

مثلي يبييلهم ترطيب قوي يعني مابرد اشتريه مره ثانية 

منتج الثالث كريم مرطب من سيتافيل 

انا اسميه كريم العايله بصراحه ترطييب عميق

سبق وتكلمت عنه ف اكاونتي ف انستقرام 

استخداماتي كثيره

 1- مرطب قبل الميك آب 

2- مرطب  للأكزيما حق عيالي 

3- مرطب لليدين والكوع والركبه

افضله ف فصل الشتا اكثر من الصيف 

اكيد بشتريه مره ومرتين و10 بعد 

المنتج الاخير  كريم سنفره (كاب)

كريم سنفرة ومبيض للويه والجسممن افضل السنفرات عندي اول مرة جربته وانا فالنفاسمن ثاني مره شفت نتيجة حلوة خفف التصبغات وخوز الجلد الميت 

ملاحظة : لازم الجسم يكون جاف مب مبلل عسب تستفيدون من السنفرة

طريقة استعمالي : قبل السبوح احط عالجسم واحركه بحركات دائري واتريا 3-5 دقايق يمتصه البشره واحركه ببببعد الا اشووف بلاوي جلد الميت وبعدها بشرتي تكون ناعمه مثل الحرير انصح كل وحده تاخذ هالسنفره لانه يستاهل وعلبةاقتصادية اتم معاج كم شهر بشتريه وانا مغمضه ....
وبس اتمنى اني افدتكم بتجاربي ولاتنسون تشتركون فالمدونه
تعليقاتكم تسعدني  .

حسابي ف انستقرام 

ريفيو منتجات NYX ..."

السلام عليكم ورحمة الله وبركاته ،،
مساءالخير جميعا...



اشحالكم ان شاءالله اتكونون بصحة وعافية ~

ياهلا فيكم ف مدونتي البسيطه..

اعرض كل تجاربي ومشترياتي

وليس كل ما يناسبني يناسب غيري

وان شاءالله افيدكم بتجاربي وبسس^_*


واليوم راح اتكلم عن تجربتي بمنتجات NYX



ماركة NYX غنية عن التعريف بجودتها العالية وقيمتها الرخيصه (اي في متناول الجميع)

واغلبكم مجرب هالبراند بمختلف منتجاتها

وبسم الله نبدأ

اول شي بتكلم عن الروجات والقلوس ومحدد الشفايف.....


درجة اللون:SPL816 FUCHSIA

تغطية وثبات:80% يتم تقريبا 4 ساعات

الوصف: اللون خيااال يناسب كل الالوان البشرة نوعيتها كريميه متوسط وما ينشف الشفايف

السعر : بحدود 30 -35 تقريبا

خذته من سنتر بوينت








درجة اللون: MLS17 SWEET PINK ROES DOUX

تغطية وثبات:80% يتم تقريبا 4 الى 5 ساعات احط طبقه ثقيله شويه للمناسبات

الوصف: اللون فوشيا قريب من المحدد اللي فوق احط ويالروج يطلع وااو

  يناسب كل البشرات نوعيتها مخمليه مات

 بس مب يابس اممم مثل الموس فونديشن وما ينشف الشفايف

السعر : بحدود 35-40 تقريبا

خذته من سنتر بوينت




درجة اللون: MLS07 ALABAMA


تغطية وثبات:80% يتم تقريبا 4 الى  5 ساعات احط طبقه ثقيله شويه للمناسبات

الوصف: اللون ماروني قريب من احمر الغامج او الداكن  يناسب

 ذوات البشرات البيضاء والسمرا البروونز  نوعيتها مخمليه مات

 بس مب يابس اممم مثل الموس فونديشن وما ينشف الشفايف

السعر : بحدود 35-40 تقريبا

خذته من سنتر بوينت

وهذا سواتشز للروج




درجة اللون: SMLC09 ABU DHABI

تغطية وثبات:80% يتم تقريبا 6 ساعات

الوصف: اللون  بني طبيعي  وريحته وااايد حلوه كانه حلاوه

 مات ممييزاته يعطي ناتشورال فينش و رونق حلو للشفايف

 وماينشفهم  يناسب كل البشرات اعشق هاللون استخدمه كل يوم لانه نيوود ودووم مخلص

السعر : بحدود 40-50 تقريبا

خذته من سوق كوم

وهذا سواتشز للروج


اسم المنتج : Angel Veil

تغطية وثبات:حده ساعتين ويقلب يناسب مشوار قصير

الوصف: بيس و برايمير OIL FREE  نوعيتها  مات

 ناعم عالبشرة استخدمه للمشاوير القصيره بسس على تيزوون

السعر : بحدود 75 تقريبا

خذته من سنتر بوينت


اتمنى انه تنال اعجابكم هالبوست وادري طولت عليكم واايد

اللي مجربة منتجات NYX اتمنى تكتب رايها 

ولا تنسوون تشتركون فالمدونة .....*